Po sa prima borta unu film strangiu bincit s’Oscar po su film prus bellu: Parasite de su coreanu de su sud Bong Joon Ho. Giai Prama de oru in cannes su noir, recitau in coreanu e totu, at portau a domu in totu cuatru premius: su film prus bellu, su regista meglius, su film internatzionali prus bellu e sa meglius scenegiadura.
Is atrus premius, invecias, si podiant intzertai: is atoris protagonistas prus braus Renee Zellweger cun Joaquin Phoenix po Joker de Todd Phillips e atoris, invecias, non protagonistas Brad Pitt, cun C’era una volta… a Holliwood, e Laura Dern cun Storia di un matrimonio.
Elton John at bintu po sa cantzoni meglius in Rocktman, Jacqueline Durran po is costumus de Piccole Donne. A su film 1917, chi pariat su favoressiu de totus, est andaus, massimamenti, calencunu premiu tecnicu e cussu po sa meglius fotografia de Roger Deakins. No at bintu nudda The Irishman de Martin Scorsese, film costau meda aberu e chi fut candidau po dexi premius.
Foto: https://www.imdb.com/title/tt6751668/
