“Ddu intregu a totu cussus chi ant fatu meda sonu in sa vida mia, e ddu intregu finas a totu cuss’atra familia, chi m’ingiriat, a cussus chi ant trabagliau cun mei poita scint chini soi, scint comenti dda pensu e connoscint comenti bogliu fairi sonu. E, in segus, ddu intregu a sa citadi mia Taranto, tocat a fairi sonu meda po custa citadi”.

Funt stetius custus is primus fueddus de Diodato a pustis airi bintu su setantesimu Festival de Sanremo, chi at essi arregodau comenti cussu de Amadeus e Fiorello.

Su cantanti pugliesu, ma nasciu in Aosta, at bintu cun sa cantzoni “Fai rumore”.

Segundu est erribau Franciscu Gabbani cun “Viceversa”, e a sighiri is spantosus Pinguini Tattici Nucleari cun sa cantzoni “Ringo Starr”.

Po Diodato finas is premius de sa Critica, intregau a Mia Martini, e cussu de sa Sala Stampa Lucio Dalla po sa setzioni Campioni.

Sempiri Diodato a finas nau: “Bellu meda airi cantau a pustis airi bintu, fui cuntentu meda de averas e depu nai ca apu cantau meglius puru!”.

 

 

Foto: https://www.liberoquotidiano.it/news/spettacoli/13562136/sanremo-2020-diodato-fai-rumore-dedicata-levante-coez-conferma-backstage-camerini.html