Si dimitit s’aministradori de Abbanoa, sa sociedadi pubrica chi tenit sa gestioni de s’abba in Sardigna, Abramu Garau. Si nd’est andau e s’est postu a dispositzioni de sa Regioni. “Mi nd’andu a pustis chi sa Regioni – at nau Garau – at decidiu de cambiai sa sociedadi in sa conca e passai de su cumandu de unu solu a unu consigliu de aministratzioni. Soi a dispositzioni po cumentzai custu caminu nou”.
Is fueddus de Garau funt erribaus pagus tempus a innantis de cussus de s’asssessori regionali a is Lavori Pubblici Orrobertu Frongia chi at nau ca: “Sa decisioni de sa Regioni non bolit essiri una valutatzioni de su trabagliu fatu finas a imoi de chini at ghiau Abbanoa. Is dimissionis de Garau funt erribadas e sa Regioni ddas boliat e difatis ddi torru gratzias”.
Acabat aici s’ora de s’aministradori unicu a sa ghia de Abbanoa e incumentzat cussa de unu consigliu de aministratzioni cun in conca unu aministradori delegau.
Foto: https://www.sardegnalive.net/news/in-sardegna/18077/abbanoa-false-voci-sul-fallimento-e-la-piu-grande-impresa-industriale-dell-isola-che-da-lavoro-diretto-e-indiretto-a-quasi-3mila-persone
