De una pariga de dis funt torradas a incumentzai is scolas e giai calencunca at torrau a serrai po mori de su Coronavirus. Non si frimat sa pesta e eriseru in Sardigna is positivus funt bessius a 139, su numuru prus artu de su friargiu passau.

Scolas serradas in Gavoi, Bitti, Villaperuccio, Castiadas, Gonnesa, Perdaxius. In Isili, aunia est mortu unu piciocu de 33 annus, su sindigu Luca Pilia at serrau po tres dis sa scola elementari de via Europa ca una maista est positiva.

Crobba manna in Alghero e Villa San Pietro e aposentus serraus in Tertenia puru de oi finas a totu sa cida. Su sindigu de Tertenia, Giuliu Murgia at spiegau: “Is controllus, chi seus sighendu a fairi, ant amostau ca c’at genti meda chi at tentu cosa eita biri cun is dus chi funt positivus e ddu at finas familias chi tenint pipius e piciocheddus chi funt in is scolas. Po totu custu apu decidiu de serrai totu is scolas chi funt in Tertenia”.

 

 

Foto: https://www.repubblica.it/scuola/2020/03/06/news/coronavirus_miur_scuole_chiuse_fino_al_5_aprile_una_fake_news_-250453775/