Sa bataglia de totu is bataglias est acabada: Istevini Bonaccini est un’atra borta governadori de s’Emilia Romagna. Su candidau de su centrumanca, e omini de su partidu democratigu, at pigau su 51,4 % de is votus e sa candidada de sa Lega, e de totu su centrudrestra, Lucia Borgonzoni, s’est frimada a su 43,68%. Mali, meda mali su candidau de is Steddaus, Simoni Benini, chi at pigau feti su 3,46 %. Su partidu democratigu est sempiri su primu partidu in sa regioni cun su 34,6% e sa Lega de Salvini inderetura in fatu cun su 31,96%. Is Steddaus funt frimus a su 4,7% de is votus. C’est de nai ca de cussus chi ant votau is Steddaus ant però donau su votu a Bonaccini comenti de presidenti.

Sa partida s’est cumbatia po mesis e erisereu in Emilia Romagna est stetia una meca de genti a andai a votai. Pensai ca in su 2014 ddu iat fatu su 37% e eriseru s’est erribau a su 67%. Imoi po Bonaccini erribat sa parti prus dificili ma finas cussa cicada e bofia cun totu is fortzas.

 

 

Foto: http://www.ansa.it/emiliaromagna/notizie/2020/01/18/regionali-stefano-bonaccini-il-governatore-a-difesa-del-fortino-del-pd_24b1d828-f23f-49f4-bb84-b9e0576545a9.html