Diegu Orrobertu Godin est erribau in Casteddu eriseru a pusti prangiu. Camisa bianca e pantalonis nieddus cun crapitas de tennis a is peis e tasca, su giogadori uruguaianu est bessiu de su terminal cun d’una sciarpa de su Casteddu e inderetura is tifosus e is giorronalistas dd’ant fatu milli festas e preguntas. Ce dd’at fata, in tempus pagu, a bessiri in machina e de palas sa mascaredda s’est intendiu feti unu fueddu: “Cuntentu”. At a chistionai, in s’atobiu de lunis, aprontau de su Casteddu po sa presentada in sa Sardegna Arena. Godin at postu sa firma po giogai de seguru po dus annus cun sa scuadra de su presidenti Giulini e giai de oi s’at allenai cun Di Francesco.
Su matessi presidenti, una borta comporau su giogadori at nau: “Oi est una grandu dì po su Casteddu”. Eriseru est nova finas s’erribu de dus fradis chi giogaiant cun s’Ajaccio: is fradis Mateu e Lisandru Tramoni.
Foto: https://www.passioneinter.com/inter-news/godin-inter-2/
