Su mundu de is imprendidoris de eriseru est prus poburu meda ca si nd’est andau unu chi at fatu connosciri s’Italia in su mundu: Franciscu Claudiu Averna est mortu in Milanu. Est stetiu su presidenti de sa sociedadi chi faiat su licori famosu, aberu, in totu su mundu, s’Averna. Teniat sessantases annus e fut malaidu de unu pagheddu. In su 2012 su Quirinali dd’iat donau s’onoreficentzia de Commendadori po meritu de sa Repubblica e a pustis dus annus iat acabau su ruolu chi teniat in sa sociedadi paris a su fradili Franciscu Rosariu. S’interru at essi lunis chi benit in Caltanisseta.
Sa familia cosa sua iat incumentzau propriu in cussa tzitadi a fairi s’amaru. A Sarbadori Averna, bisaju de Franciscu, unu para dd’ita donau an’arretzeta segreta de erbas, agrumis e arreiginis e a fini de s’otugentus, a pustis ddu airi fatu testai a genti meda, iat incumentzau a ddu produsiri.
Dde arregodai ca imoi s’Averna est propriedadi de sa Campari.
Foto: https://www.lasicilia.it/news/cronaca/319131/addio-a-francesco-claudio-averna-il-suo-amaro-era-bevuto-in-tutto-il-mondo.html
