Bonas novas po Rolando Maran po sa partida de sabudu cun su Milan in Casteddu. Difatis torrat Fabieddu Pisacane chi no at giogau sa partida de lunis cun sa Juventus. Su difensori napoletanu at a giogai in difesa paris a Ragnar Klavan chi si ndi bolit scaresciri inderetura de su sbagliu chi at fatu cun lunis, candu at apermitiu a Ronaldo de fairi su primu gol. Po unu chi torrat tocat a nai ca unu invecias non ci at essi: Fabritziu Cacciatore, e duncas sa fascia destra at essi totu po Pàulu Farago, finas poita Fideli Mattiello non s’intendit meda beni. A centrucampu torrant cussus chi po cuasi totu sa prima parti de su campionau ant fatu bisai is tifosus de su Casteddu: Cigarini, Nandez, Rog e Nainggolan. In denanti, comenti de sempiri, Joao PEdro cun Simeone.
In su Milan de Pioli, cuasi de seguru, at a giogai de su incumentzu Zlatan Ibrahimovic. Su svedesu, a pustis airi caglientau in musculus cun sa Sampdoria, est prontu po custa partida chi ddu at a biri contras de su cumpangiu de natzionali Robin Olsen. Pioli, forsis, ddu at a fairi giogia paris a Leao, lassendu in foras Piatek e Suso.
Una cosa est segura: dificili meda agatai billetus.
Foto: https://www.cagliarinews24.com/cagliari-milan-tv-streaming-19-20/
