Unu Casteddu chi si nci papat is manus e is peis cussu chi eriseru nd’est torrau de Lecce feti cun d’unu puntu. Lastima manna po is piciocus de Maran, finas a degi minutus de s’acabu de sa partida funt bincendu po dus a zeru ma in segus, sa scuadra de Liverani ce dd’at fata a paregiai una partida chi pariat perdia. Est partiu beni su Casteddu e cun d’unu rigori de Joao Pedro (ca La Mantia de su Lecce nd’at boddiu sa bocia cun sa manu) at finiu su primu tempu a innanti. A pustis su gol de Naingollan, a metadi segundu tempus, sa partida pariat a beru binta, invecias prima cun d’unu rigori de Lapadula (Cacciatore bogau a foras po “airi fatu su portieri”), e dapoi cun d’unu tiru de pei mancosu de Calderoni su Lecce at torrau a pigai sa partida. A pustis su gol de Lapadula, s’arbitru c’at bogau finas Olsen e su matessi atacanti lecesu.
Lunis erribat in Casteddu sa Sampdoria de s’allenadori beciu Claudiu Ranieri, est un’ocasioni bona po si torrai a pigai cussu chi s’est perdiu in Puglia.
Foto:https://www.sportmediaset.mediaset.it/calcio/cagliari/lecce-cagliari-rissa-tra-lapadula-e-olsen-entrambi-espulsi_11586910-201902a.shtml
