Sa Sardigna est sempiri urtima po is pipius nascius. Feti 1,02 po dogna femina, aunia sa media natzionali est de 1,29. Atesu meda abarrat su Trentinu Alto Adige chi est sa prima in custa classifica cun 1,59 ma atesu finas de s’1,34 de sa Sicilia e de s’Emila Romagna. Su numuru de s’isula nosta est finas prus bascia de s’annu passau candu sa media sarda fut de s’1,07. Po custu abarraus urtimus in sa classifica natzionali. Is feminas sardas funt finas cussas chi diventant mamas prus a duru: sa media est de 32,5 annus. Custa borta sa Sardigna no abarrat sola ca finas is feminas de su Latzio e de sa Basilicata funt in is propias abbas.
C’at de nai ca is feminas de sa Sardigna de pissu faint prus figlius de cussas de sa Sardigna de basciu. Difatis is feminas de is provincias de Nugoro e Tatari funt in pissu e sa media regionali in su mentris chi cussas de sa provincia de Casteddu no erribant mancu a unu figliu po femina.
