At erriscau de orrovinai totu sa Dinamo Sassari in sa paritda de eriseru. Fut ainnanti de binti puntus e po pagu non s’est fata torrai a pigai de is lituanus de su Lietkableis. C’ant pensau, bia sa fini Bilan cun Evans e sa partida est acabada po 86 a 82.

Sa partentzia, sa Dinamo, dda at fata cun una grandu difesa. Sorokos incumentzat a giogai e po cincu minutus non fait biri bocia a Sakic e totu custu donat fiducia meda a s’orrestu de sa scuadra  chi fait otu atzionis totus in canestru: Spissu ndi segnat otu su matessi. A pustis cincu minutus is sassaresus si funt giai fuius e funt bincendu po 17 a 5. Finas candu si nd’est scidau Sakic sa partida fut controllada beni e a pustis segi minutus funt binti is puntus in prus (36 a 16). Sa scuadra de Pozzecco nd’est calada unu pagu e su primu tempus est acabau cun tregi puntus a pissus. In su segundu tempus s’est erribau, a pustis 36 minutus, a essiri peti de unu puntu in pissu ma candu ant torrau a giogai beni Bilan cun Evans po is lituanus non c’est stetia prus storia.

 

 

Foto: https://www.tuttobasket.net/news/bcl-19-20-lietkabelis-sassari-recap/