Imoi chi si scit, cun seguresa, ca su Casteddu at a giogai s’annu chi benit puru in Serie A, si podit incumentzai a pensai a su tempus benidori de sa scuadra. Si podit ancora pensai a erribai in sa parti manca de sa classifica, sonumancu decimus, in dinari bolit nai prus de ses milionis de eurus. Sa vitoria de Genova, chi est fuia a s’urtimu, podiat ponni is piciocus de maran in-d’una positzioni de vantagiu, imoi a  batiri dominigu chi benit s’Udinese podit non serbiri.

Su presidenti Giulini iat nau ca s’incumentzaiat a chistionai de is rinnovus cun sa Serie A in buciaca e aici at a fairi. Custa cida is primas novas: est seguru caRafael abarrat un’atru annu. Prus dificilis is atrus contus. Padoin, Cigarini e Srna aspetant novas de sa Sociedadi e ant fatu sciri ca bolint abarrai. Ma non c’at postu po totus, Padoin est cussu chi tenit prus possibilidadis ma tocat a biri cantu pagat su Casteddu  a innanti de chistionai.

 

 

 

Foto: eurosport.com