Custa borta su diciu “non c’est su dus chena su tres” cussus de su Casteddu no ddu bolint mancu intendiri. A pusti duas partidas perdias, una in fatu de s’atra, in su Sardegna Arena is piciocus de Maranbolint binciri sa prima partida in denanti de is tifosus. S’urtima vitoria de su Casteddu in domu est de cincu mesis a imoi e at essi finas e ora. Custu merì, ancora chena de Nainggolan, is orrubius-asulus, c’ant a provai cun totu is fortzas in sa partida de is noioras mancu unu cuartu cun su Genoa de Andreazzoli chi erribat a-i custa partida a pusti sa partida perdia cun s’Atalanta sabudu passau. Cussa de custu merì po su Casteddu incumentzant unu tempus de fogu ca mercuris at a giogai in Napoli e a pusti, dominigu bintinoi, sempiri in Casteddu cun su Verona de Juric. Maran est seguru ca is giogadoris imoi funt prus abistus e non ant a torrai a fairi is sbaglius chi ant fatu cun su Brescia e cun s’Inter e ca sa partida cun su Parma tocat a dd’arrepitiri in domu puru.
Foto: https://www.cagliaricalcio.com/news/ultimissime/19058/cagliari-genoa-numeri-e-curiosita
