A pustis su rigore de dominigu passau in Napoli e a pustis is morrungius de giogadoris, allenadori e presidenti funt erribadas is “cundennas”. Su giuigi sportivu at cundennau po duas giorronadas Artur Ionita chi s’arbitru Chiffi c’at bogau po is fueddus malus chi at nau. Una giorronada puru a s’allenadori Maran e in prus finas una multa de cincumila eurus. Dinari de pagai po su presidenti Giulini puru, tregimila eurus, poi s morrungius in is orus de su spogliatoiu. Totu est sussedio po mori de su rigori donau a s’urtimu minutu de sa partida cun su Napoli. Finas a tandu is piciocus de Maran ce dd’iant fata a si pigai sonumancu unu puntu (iat segnau a innanti Pavoletti e su Napoli iat paregiau cun Mertens) ma in segus s’arbitru e-i su Var ant bidu ca Cacciatore nd’iat boddiu sa bocia cun su brassu, po is casteddaius fut foras de s’area, invecias po Chiffi, a pustis airi castiau beni su Var fut aintru.
Foto: calcionapoli1926.it
