Is “bator moriteddos”ancora una borta erribant in Pontida. Un’iscena, custa, chi finas a una pariga de annus a imoi non si podiat mancu pensai. Ma oi funt atrus tempus e non feti is ominis de sa parti bascia de s’Italia andant in Pontida ma is leghistas e totu guvernant in regionis medas de su Mesudì. Tra custas, po nai, finas sa Sardigna. Eriseru, cuindigi de Cabudanni, su guvernadori de sa Regioni sarda Christian Solinas est erribau a s’atobiu de dogn’annu de sa Lega acumpangiau de is assessoris regionalis a sa Sanidadi e a is Trasportus Màriu Nieddu e Giorgi Todde. E funt erribaus puru su presidenti de su Consigliu regionali Migheli Pais cun is consiglieris Dariu Giagoni, Pieruluisu Saiu, Annalisa Mele, Andria Piras, Migheli Ennas e Ignatziu Manca: totu is salvinianus sardus chi contant. A ghiai sa truma de is sardistas-salvinianus ddue fut Giudu De Martini chi est su coordinadori de su partidu a pustis chi at lassau Eugeniu Zoffili.

 

 

 

Foto: https://www.sardiniapost.it/politica/leghisti-sardi-pontida-insieme-al-psdaz/