Su Casteddu torrat a nasciri in Parma: bincit sa partida po 3-1 in su campu aunia in is atras binti partidas giogadas iat bintu feti atras duas bortas. Una bella partida cussa de is piciocus de Maran chi fait torraia aprtiri sa scuadra de su Casteddu a pustis duas partidas perdias in domu cun su Brescia de Cellino e s’Inter de Conte. Tocat a nai ca est una vitoria chi balit o duas ca is orrubiusasulus depiant giogai finas chena Nainggolan.
Decisiva sa priam parti de partida cun dus gol de su capitanu Ceppitelli a pustis chi su Parma, cun d’unu bellu tiru de Bruno Alves, nd’iat boddiu su palu de sa porta difendia beni de Olsen. In sa segunda parti su Parma at atacau de prus e cun su gol de Barillà pariat ca ce dda podiat fairi a torrai a pigai sa partida. Invecias unu grandu gol de Simeone at serrau sa partida chi s’arbitru fut acanta de torrai a oberri ma su Var at fatu biri beni ca Klavan sa bocia nde dd’at boddia cun is petorras e non cun sa manu.
