Atras novas legias po su Casteddu a duas dis de sa partida cun su Parma de D’Aversa in terra emiliana: Radja Nainggolan s’est strupiau e non ce dda fait a giogai. Su centrucampista belga eriseru non ce dd’at fata mancu a s’allenai cun is cumpangius po mori de unu problema a sa camba mancosa. At essi castiau de is dotoris de su Casteddu ma ancora non si podit nai po cantu at abarrai a foras de su campu.
Certu ca po su Casteddu custu incumentzu de annu non si podit nai ca est de cussus chi si pondit nai fortunaus. A innanti de partiru su campionau s’est strupiau su portieri Alessiu Cragno, e nnon ata a podiri torrai priam de cuatru mesis, in segus Lionardu Pavoletti chi a innanti de su mesi de martzu non eus a torrai a biri in campu, dapoi duas partidas perdias in Casteddu! Certu ca Nainggolan at a torrai cuasi inderetura ma po Maran non est una cosa de pagu importu poita giai de dominigu depit incumentzai a curriri.
