Is sardus currint sa fortuna e spaciant dinari meda in is slot, funt isciaus de su giogu. Prus de sa metadi de su dinari chi nci bessit po cicai sa fortuna ce dd’acabat in is machinetas. Est dinari meda, meda deaveras chi benit a foras de is buciacas de giogadoris de dogna idadi, mascus e feminas chi indenanti de is slot ci passant finas meris intreus, segurus ca nemus ddus connoscint in is citadis ma in is biddas, invecias, giogant chena perunu problema de si fairi connosciri.
S’Agentzia de is Doganas e de su Monopolu (bidda po bidda), chi at pubricau una cica, fait sciri ca si giogat apetotu. Is sardus in is giogus de is slot, su videopoker, gratta e vinci, superenalotto e atrus ant spaciau, in su 2018, dinari meda chi a ddu scriri puru fait a timiri: unu miliardu e setigentumila eurus! Bolit nai, fendu beni is contus, ca dogna sardu si giogat milii eurus, cosas de ispantu mannu.
