Sa Sardigna est sa prima regioni po is amelessus a is aministradoris. Is datus de su ministeru de s’Internu narant ca in su 2018 perun’atra regioni at tentu atentaus aici meda: funt setantotu! Po fairi cumprendiri comenti est seriu custu contu bastat a pensai ca a pustis de sa Sardigna ddu est sa Lombardia cun setantatres atentaus ma cun sonumancu noi milionis de abitantis e millecentu cumunus in prus. Sighint sa Puglia cun sessantacincu, sa Calabria cun cincuantanoi, sa Sicilia cun cincuantaseti.
Chi chistionaus, invecias, de is urtimus ses annus est sa Calabria chi erribat a innanti de totus: cincucentubinticincu atentaus de su 2013, sighia de sa Sicilia, sa Puglia e duncas s’Isula nosta cun cuatrugentucincuantunu. In totu sa natzioni italiana funt cuatrumila is atentaus, sempiri de su 2013 a oi. Sa Valle d’Aosta est sa sola aunia mai, e in peruna manera, is aministradoris funt stetius amelessaus.
