“Soi prontu a mi ponni a trabagliai cun is cumpangius nous, est una truma bella de averas”. Funt custus is fueddus e sa sperantzia de Jamel McLean, s’urtimu giogadori erribau in domu de sa Dinamo Sassari Banco di Sardegna. Cuntratu de un annu e oi s’est presentau a sa stampa e a sa citadi de Tatari. Giai de oi s’ala est a dispositzioni de s’allenadori Giuannimarco Pozzecco. “Tengiu sa fortuna manna de giogai in Tatari, una scuadra e una citadi chi mi funt sempiri pragias e nd’apu intendiu chistionai beni de totus – at nau McLean – is tataresus in custus annus ant fatu cumprendire ca podint giogai po binciri apetotu, in Italia e finas in Europa”.
Su giogadori est cuntentu meda de podiri giogai ocannu cun sa Dinamo e at fatu sciri ca at a donai sempiri totu in campu. Giogaiat cu nMilanu e at sighiu a nai ca “Is atrus annus, calencuna borta, est sussediu ca no fui su prus artu e po cussu apu giogau comenti de ala, ma possu giogai finas in atras parti de su campu puru. Non est unu problema mannu, deu facu sempiri cussu chi bolit s’allenadori”.
