Sa Sardigna erribat a su segundu postu a palas de sa Romagna e innanti de sa Sicilia in-d’una cica fata de Panorama Turismo in pissu de sa gana de is italianus de scioberai unu mari invecias de un’atru. Funt duas isolas e un’atra terra chi de su mari at sempiri fatu unu modu de biviri is priam s tres, e podiat essiri feti aici.

Po sa Romagna est sa tertza borta de sighiu chi erribat innanti de totus e in puntus pigat 42,46. Sa Sardigna pagu prus addei cun 42,12, sa Sicilia unu pagu prus stesiada a 39,21. Sa Puglia poderat su cuartu postu cun 38,76 puntus. A sighiri Toscana (37,69 puntus), Veneto (37,59), Liguria (36,37), Marche (27,95).

Est curiosu meda a biri is preguntas a sa sola, sa Sardigna erribat innanti de totus a sa pregunta: cali est sa prus famada e cussa connota de prus? Candu si chistionat de is regionis meglius po albergus, campegius, resort, ect… sa Sardigna nostra bessit de dus postus, cunfrontas a s’annu passau, e si lassat a is palas su Veneto (primu, s’annu passau) e sa Toscana chi bessit a su segundu postu.

 

Foto: italiaora.net