Air Italy non agatat tifosus in sa politica sarda. De dresta e manca si faint intendiri cun sa cumpagnia aerea chi at decidiu de fairi andai a trabagliai cincuantunu trabagliadoris de Terranoa a Malpensa.

“Soi meda arriolau – narat Giusepu Fasolino, consiglieri regionali de Fortza Italia- e ancora non ci creu chi is capus de Air Italy non bogliant tratai cun nosu. Sa cumpagnia tenit pagu arrespetu de is sardus e de is istitutzionis”. Fasolino contat ca at bofiu aspetai unu pagu innanti de nai sa sua, ma apustis chi is dirigentis de Air Italy ant chistionau, nendu ca non bolint torrai a coa de cussu chi giai ant decidiu, tandu at incumentzau a fairi sciri cussu chi pensat.

De su Partidu democratigu puru faint intendiri sa bogi e fueddat Francu Sabatini chi incurpat su guvernu Conte po Air Italy e po sa Chistioni de s’Alcoa, aunia sa Sider Allys ah decidiu de donai a trabagliai a atra genti puru chi non siant feti cussus chi giai ddue trabagliant. “Su guvernu depit essiri un’assiguratzioni de s’arrespetu de is acordius giai pigaus cun su guvernu beciu. Aunia s’agatat su ministru Di Maio chi depit finas a-i custus trabagliadoris su postu chi s’at pigau in su guvernu? Non est feti a fairi propaganda…”.

 



Foto: voce.com.