Perdendu dus a zeru a cincu minutus de s’acabbu de sa partida e cun dus ominis de mancu in is urtimissimus minutus su Casteddu ce dd’at fata a aderessai su risultau. Unu gol de conca de su Moldavu Ionita e una cursa de su tonaresu Sau ant torrau a ponni a postu totu. Su primu tempus sa Roma de Di Francesco fut torrada in is spogliatoius a pustis airi fatu dus gol, unu cun Cristante e s’atru cun Kolarov (finas chi su tiru de su Serbu nd’at boddiu sa pala de Cerri). Su Casteddu iat giogau, su matessi, una bella partida ma in su segundu tempus at fatu biri cun barra e gana ca sa partida si podiat torrai a ponni a postu. Is piciocus de Maran non si fut arrendius mai e custu est pragiu meda a sa genti chi fut in su stadiu.
Maran po custa partida iat fatu giogai, in denanti de Cragno, is difensoris Srna, Ceppitelli, Klavan e Padoin, in centrucampistas Faragò, Bradaric e Ionita e is atacantis Joao Pedro, Farias e Cerri.
Foto: pianetagenoa1893.net
