Calat sa spesa chi is sardus faint po is giogus. Agipronews at fatu sciri ca in su 2017 is chi bivint in Sardigna ant spendiu 457 milionis de eurus.
Comenti dd’ant spendiu e in calis giogus nos si ddu narat su Libburu Asulu de is Doganas e de is Monopolius: 286 milionis in is slot e in is videolottery e invecias s’annu innanti nd’iant spendiu unu in prus. Po is loterias is biglietus tresina e binci s’annu passau e s’annu innanti is sardus ant spendiu su matessi: setantatres milionis de eurus. Po su Lotto s’annu passau cincuantasesmilionis e s’annu innanti funt invecias sessantotu. Po atrus giogus, comenti is scumissas po is sport, is spesas funt stetias de seti milionis, e a-i custus si depit acingiri unu milioni de scumissas chi si faint cun su computer o in is agentzias. Su Superenalotto est costau bintitres milionis, su Bingo degi e is cuaddus unu.
