“Sa poboresa in Italia”, aici si lamat su documentu de s’Istat, difundiu oi. In Sardigna su 17 po centu de is familias est pobora poita bivit cun prus pagu de milliotantacincu eurus chi est s’intrada minima po non nai de essiri poburus de su totu po una familia cumposta de duas personis. Est crescendu in s’Isula nosta poita s’annu passau sa percentuali si fut frimada a su 14 po centu.
Funt numurus chi faint a timiri poita sa media natzionali est a su 12,3 po centu e sa situatzioni nos si fait intendiri fradis de atras regionis che-i s’Abruzzo, chi est a su 15 po centu, a sa Puglia, Basilicata e Molise, totus a su 21 po centu.
In su 2017 funt tres milionis e centusetanta mila is familias chi biviant in poboresa relativa, comenti benit lamada de s’Istat, chi bolint nai cuasi degi milionis de ominis, feminas e pipius. Invecias is familias chi biviant cun prus pagu puru de cussus milli e otantacincu eurus funt cuasi dus milionis. Funt is numurus prus artus de su2005 aimoi.
Foto: ilsole24ore.com
