Unu sciasciu de votus ant pigau is Sardigna is Steddaus de Luisu Di Maio, in su collegiu uninominali de sa Camera chistionaus de una cosa comenti su 42,48 po gentu chi in genti bolint nai 369.196. Votus chi mancu Fortza Italia de Berlusconi in is “annus sûs” iat mai pigau. Est curiosu a biri cali funt is biddas chi at votau de prus is Steddaus.
Sa bidda sarda cun sa prus arta percentuali de votus est Orgosolo cun su 61,98. A palas de sa bidda barbarcina un’atra bidda de su nuoresu etotu, Onanì cun cun 60,77. Sighit de presu unu de is digiaseti cumunus de sa citadi metropolitana de Casteddu, Sarroch cun su 53,86 po centu. Su totali de is votus de custas tres biddas est de 2944 (Orgosolo 1293, Onanì 110, Sarroch 1541).
Su cuartu cumunu aunia is Steddaus funt andaus meglius est Narcao in su Sulcis, chi est in su propiu collegiu de Sarroch, cun su 53,75. Pusti sa bidda surcitana agataus Girasole, bidda ogliastrina cun su 53,60, sighint Pompu, in sa provincia de Aristanis, cun su 52,82 e Bortigali, in provincia de Nugoro, cun su 52,19.
In Nugoro su candidau po sa Camera fut s’abogau Mara Lapia, in Aristanis su pastori Lucianu Cadeddu e in su Sulcis su funtzionariu de sa Sfirs Pino Cabras.
Foto: sardegnacultura.it
