Pariat una cosa chi non podiat sucediri mai, a sa natzionali de giogu de palloni, cussa de non podir partecipai a unu Mondiali. S’atra dî, invecias, cun s’Isvetzia is asulus non ce dd’ant fata a binciri sa partida decisiva e po Ventura, s’allenadori de s’Italia, est stetia s’urtima. Difatis su presidenti de sa FIGC, Carulu Tavecchio, ce dd’at bogau a sonu de corru e ancora no at decidiu a chini ddue ponni. Ventura non si nd’est andau a sa sola e po cussu tocat a ddu pagai finas a su mesi de làmpadas. Funt medas is bogis ma parit chi su favoressiu siat Carulu Ancelotti, tocat a biri chi s’allenadori beciu de su Milan bogliat trabagliai cun-d’una Federatzioni chi no est beni bista de totu is apassionaus de palloni e de s’istampa. Figura legia che-i custa sa Natzionali dd’at fata feti in su 1958 candu no at partecipau a is mondialis chi si furint giogaus in Isvetzia. Mondialis chi inat bistu po sa prima borta sa vitoria finali de su Brasili de Pelè.
