Parit atesu meda Berlino, invecias est prus acanta de cantu iat a parriri. Sa crisi politica chi tenint is tedescus nosi podit fairi cumprendiri cussu chi, cun meda probabilidadis, at a capitai in Italia cun is eletzionis politicas de su 2018: nemus, segundu is sondagius, tenit unu tanti de votus de ddi podiri permitiri de guvernai in trancuillidadi. Chi su Pd e Forza Italia imparis non tenint problemas a fairi guvernus, is partidus comenti sa Lega o Fratelli d’Italia ant giai fatu sciri ca non s’ant a ponni cun su Pd. Ma finas chi ant a binciri is grillinus no ce dd’ant a fairi a solus a guvernai.
Custu est su problema chi tenit Angila Merkel in Germania, non ce dd’at fata a fairi unu guvernu cun totu is partidus chi at cicau, boliat ponni totu paris is Birdis, is liberalis e is cristianus-democraticus. Sa Merkel est paghendu, po meda genti, est paghendu is sbaglius fatus guvernendu is atras bortas e imoi s’agatat in dificoltadi manna.
Segundu su presidenti federali Frank-Walter Steimmer non esistit a torrai andai a votai e at amelessau is partidus de donai unu guvernu chi durit a sa Germania. Eus a benni a biri eita at a sucediri in su tempus benidori
