Est sa proposta de Luisu Di Maio, chi at fatu un’apellu a totu is partidus e at torrau a oberri unu dibatitu in pissu de unu tema sempiri meda caglienti in Italia: “Innanti de is festas de Paschigedda, innanti de sa serrada de sa legisladura, su Senau depit aprovai sa lei, prima firma cussa de Micheli Dell’Orco, giai aprovada a sa Camera de totus, chi narat una cosa meda semplici: totu is familias tenint deretu a si pasai, finas cussas de is butegheris”. Su politicu de is cincu steddas ddu at scritu in su blog de Beppe Grillo e ddu at spiegau aici: “De doxi dis de festa a s’annu ses depint essiri de serrada po is butegas”. Nd’at apofitau finas po andai contras is liberaliztzionis chena arregulas de Monti e de Bersani: “Ant faddiu, ant feti fatu godangiai, a is butegas, in seti dis cussu chi godangiaiant in ses dis”.
