S’indipendentzia ’e sa magistradura,
in dogni ocasione istrumbatzada,
s’est da-e s’onestade accumpagnada
sa zente podet istare segura.
Ma medas boltas in calchi procura
sa giustiscia est male amministrada
cando sa veridade est traviada
o pro corrutzione o paga cura.
S’indipendentzia ’e su magistradu
non semper bonos frutos at regoltu
a garantzia de ogni imputadu.
Tra sas ultimas lites chi at risoltu
unu su Crocifissu at cundennadu
un’àteru sa mafia at assoltu.
E fini indipendentes ambos duos,
però dognunu pro sos fatos suos.