Unu de cussus giogadoris de palloni sardus chi s’arregodant meglius po simpatia e bravura est propriu Vitoriu Pusceddu. Nasciu in Buggerru in su 1964 est imoi s’allenadori de sa scuadra primavera de su Casteddu pustis atras esperientzias in atras scuadras sardas e totu. Pusceddu incumentzat a giogai in su Casteddu in su1984 inserie B e s’est postu a s’atentzioni de totus po unu tiru forti e precisu cun su pei mancosu. A medas su modu de tirai arregodaiat, chena frastimai, Gigi Riva. Sa carriera de giogadori de Vitoriu est istetia meda longa e fortunada e at bestiu is maglias de su Casteddu, Torino (in duas bortas), Ascoli, Udinese, Genoa, Verona, Napoli, Fiorentina e Empoli. At segnau su primu gol in serie A cun sa maglia de su Torinu a Walter Zenga, chi tandu fut su portieri de sa natzionali italiana.
