Mohandas Karamchard Gandhi, nadu Mahatma (Ànima Manna), est istadu unu filòsofu e politicu indianu, amparadore de s’agguantu chene armas e babbai de s’indipendentzia indiana. Nascheit in Porbandar in su 1869 e si laureeit in leze. Isteit pro paritzos annos in Sud Àfrica e gherreit contra a s’partheid, in su 1915 torreit a s’Ìndia, inue benzeit a esser su cabu de su Partidu de su Cungressu chi gherraiat contra a su colonialismu de sos Inglesos. Balanzada s’indipendéntzia, Gandhi fut una bandela pro miliones de indianos. Unu fanàdigu indù li deit sa morte su 30 de bennarzu de su 1948.
