Lionardu de Vinci fut nàsciu in Vinci, in provìntzia de Firenze, in su 1452. Est istétiu unu protagonista de su Rinascimentu italianu, i est cunsiderau unu de is génius prus mannus de dónnia tempus. Fut lómpiu, difatis, a unu livellu de connoscéntzia artu meda in totu is matérias chi iat istudiau: pintura e disinnu, iscultura, architetura, ingennieria, literadura, mùsica, anatomia. In prus, fut un’imbentori balenti che pagus. Lionardu si fut mortu in sa bidda francesa de Amboise, in su 1519, lassendu in eredadi a s’umanidadi medas obras de valori mannu, comenti Sa Giocunda e S’Ùrtima Cena.
