Sa foca liopardu s’intzérrait aici po mori de is macias iscuras chi tenit in pitorras e in su tzugu. Sa fémina, giai sempri, est prus manna de su mascu. Podit lompi a 4 metrus de longària e a 500 chilus de pesu. Àbbili e lestra a nadai, sa foca liopardu bivit in is abbas fridas de s’Antàrtidi. Custas béstias acostumant a girai a solas, e s’atóbiant in areus familiaris feti a s’ora de si riprodusi. Papant su krill, ma funt finas predadoris famius de pinguinus e de focas de atras arratzas. Is focas liopardu funt animalis crosidadosus e giai mai funt perigulosas po s’omini.
