Alisandru Di Battista torrat in televisioni cun Di Martedì in sa La 7 e contat de sa maladia chi at stravolgiu sa vida sua, candu s’agataiat in Cuba: “Apu cumentzau a m’intendiri mali po mori de un’edema in su ciorbeddu depiu a sa presentzia de unu cancru chi ddue ant agatau”, at spiegau su deputau beciu de is Steddaus. “Mi nd’ant tirau cuasi totu su cancru. E immoi facu is curas cun sa spera chi serbant. Facu parti de cussu ‘club’ de citadinus italianus chi narant ‘poita propriu a mimi?’”.

“Custa pesta tenit feti unu pregiu – sighit a nai Di Battista -, est democraticu. Deu non soi unu de cussus chi narant ‘ce dd’apa fairi’, deu depu fairi is curas e tocat chi mi poderi positivu. Cussus chi non depint mollai funt is dotoris”.

“Immoi -torrat a nai Alissandru Di Battista – soi sighiu beni meda. In Cuba m’ant operau cun tecnologias chi innoi umperiaus trint’annus a immoi. E, invecias, su dotori m’at sarvau sa vida. Su matessi dotori, eriseru, m’at scritu nendumì ca non tenint sa possibilidadi de sterilizai poita non tenint sa currenti”

De innoi, partit a fueddai de in cunditzionis de s’isula caraibica: “Is Stadus Unidus sighint a fairi comenti is mafiosus a ponni is manus in su sugu a su populu cubanu. Sa situatzioni in L’Avana e in is atras citadis de Cuba est unu disacatu mannu. In Italia nos amostant is imaginis de is citadis cubanas prenas de aliga, chena nosi scoviai de chini siat sa responsabilidadi de comenti bivint is cubanus”.

Unu passagiu finas po sa presidenti de su Consigliu, Giorgia Meloni, chi intrus su tempus prus dificili, narat Di Battista: “Cun mei s’est cumportada beni meda, aici comenti totu su Guvernu”, “m’at finas lamau cancu m’agataia in L’Avana, nendumì de lassai a un’ala totu sa cuntierra in pissu de s’aereu de Stadu, ca bogliu nai no est mai stetia una pensada”.