Funt fendu chistionendu meda cussu chi at scritu La Stampa de Torinu. Po cussu chi scrit su giornali, sa Russia, po mesu de sa Lega, fut interessada meda a is contus de su guvernu italianu, cichendu de ponni is bastonis intru is orrrodas.

Po cussu chi narat su giornali torinesu, is cuntatus ci funt stetius intru de su consiglieri po is relatas internatzionalis de Mateu Salvini, Antoni Capuano, e Oleg Kostyukov “funtzionariu de importu mannu de s’ambasciada russa in Italia”.

La Stampa amostat orrogus de documentus  cun is ciaciarradas de su consiglieri de sa Lega cun su funtzionariu de Mosca, dus mesis a innantis des’orruta de s uguvernu, in su tempus aunica sa Lega e is Steddaus funt contras su mandai is armas a s’Ucraina.

In modu particolari, scrit La Stampa, “su diplomaticu russu, amostendusi interessau a ndi fairi orruiri su guvernu italianu in custa manera iat airi pediu chi is minisstrus de sa Lega furint pensendu de si dimitiri de su guvernu”.

Sa Lega non c’istat, e Salvini aboginat: “Duncas sa crisi de su guvernu est po mori de sa Russia? Non nareus sciollorius e feus is serius. Tra pagu calencunu, a livellu istitutzionali at a nai ca funt totu scimprorius”.

Ma comenti eus nau is fueddus de La Stampa nd’ant pesau polemicas medas

“Creu chi Salvini iat depiri fueddai de is relatas cun sa Russia, in is matessis dis chi si faiat pagai in rubli su biglietu po Mosca chi poi at torrau”, at nau su ministru de is Esterus Luisu Di Maio.

Po su segretariu de s uPartidu Democratigu Erricu Letta: “Cussu chi at scritu oi La Stampa de s’acapiu de sa Lega de Salvini cun sa Russia de Putin ponint arriolu. Sa campagna eletorali cumentzat in sa manera peus, cun d’una macia in custu contu. Boleus sciri chi est stetiu Putin a fairi orruiri su guvernu Draghi”.

Sempiri Letta at nau ca nd’at a chistionai cun su Copisar: “Chi aberu est aici – at acabbau – iat essi una cosa gravi meda!”.

 

 

 

 

Màuru Mura

 

 

 

29 de triulas de su 2022

 

 

 

“Attività realizzata col contributo della Regione Sardegna – IMPRENTAS 2021-2022 LR 22/2018, art. 22

 

Foto: https://www.google.com/search?q=contatti+mosca+salvini&source=lnms&tbm=isch&sa=X&ved=2ahUKEwjej9bc6535AhXPX_EDHeffAbEQ_AUoAnoECAEQBA&biw=1920&bih=929&dpr=1#imgrc=D1Cwi2sSq19-lM