Su 60.9% de cussus chi ddu podiant fairi est andau a votai in is dis de dominigu e lunis po is aministrativas. S’est abasciada sa percentuali, ca in su 2016 fut de su 66,73 (ma est a nai ca tandu si votaiat feti in d’una dì).

Custus is sindigus nous de is 98 biddas aunia s’est votau, po nai sa beridadi funt norantaseti, ca in Nureci non s’est giumpau su “quorum”:

Po sa Provincia de Tatari: in Alà Franciscu Ledda, in Ardara Franciscu Dui, in Bànari Franciscu Basciu, in Benetuti Tanieli Arca, in Bonolva Massimu D’Agostino, in Boruta Sarbadori Arru, in Bultzi Bernardu Obinu, in Carzeghe Antoni Ruiu, in Codronzanu Cristian Budroni, in Isporlatu Antoni Fadda, in Luris Francu Atzena, in Martis Bainzu Lasia, in Mores Erricu Virdis, in Nughedu Santu Nigola Migheli Carboni, in Muros Fideli Tolu, in Monteleone Roccadoria Giuannina Fresi, in Terranoa Settimo Nizzi, in S’Ulumedu Toni Faedda, in Sennaru Nigola Sassu, in Telti Vitoriu Dominigu Pinducciu, in La Trinitai Giuannipieru Carta, in Tula Andria Becca, in Uri Emanueli Dettori.

In sa provincia de Nugoro funt custus: in Aritzo Pàulu Fontana, in Baunei Stevini Monni, in Brebì Mauritziu Cadau, in Borore Tore Ghisu, in Cardedu Giagu Pani, in Durgali Angila Testone in Duarchi Ninu Muroni, in Fonne Taniela Falconi, in Gadoni Franciscu Peddio, in Locula Alisandru Luche, in Lotzorai Alisandru Desare Mannini, in Orane Marcu Ziranu, in Orgòsolo Pascuali Mereu, in Orosei Elisa Farris, in Oroteddi Toni Bosu, in Ovodda Ilenia Vacca, in Silanus Giuannipieru Arca, in Thinicole Giuanneluisu Farris, in Talana Christian Pàulu Loddo, in Tertenia Jori Murgia, in Triei Anna Assunta Chironi, in Ulassa Giuanni Soru.

Custus is sindigus nous de sa provincia de Aristanis: in Ollasta Marcellu Pilloni, in Bobadri Maria Anna Camedda, in Bonarcado Annalisa Mele, in Cuglieri Andria Loche, in Ollasta Simaxis Osvaldu Congiu, in Marrubiu Luca Corrias, in Arriora Larentu Pinna, in Ruinas Giuanni Tatti, in Iscanu Antoni Flore, in Siris Emanueli Pilloni, in Sabarussa Màriu Tendas, in Senis Sarbadori Soi, in Tadasune Pierupaulu Pisu, in Tramatza Maria Serbastiana Moro, in Biddobrana Pàulu Pireddu.

In sa provincia de su Sud Sardigna: in Armùngia Antoni Quartu, in Barrabi Faustu Piga, in Bugerru Laura Cappelli, in Carbònia Perdu Moritu, in Deximeputzu Antoni Munzittu, in Domusnovas Isangela Mascia, in Scalebranu Marcu Lampis, in Giauni Sandru Branca, in Gerxei Rossanu Zedda, in Gesigu Terenzio Schirru, in Gonnesa Perdu Cocco, in Isili Luca Pilia, in Is Pratzas Andria Lampis, in Masainas Giuanni Luca Pittoni, in Narcau Antoneddu Cani, in Nuragus Giuanni Daga, in Pauli Arbarei Antoni Sanna, in Perdaxus Giuanniluisu Loru, in Santu Giuanni Suergiu Ervida Usai, in Pauli Gerrei Stevini Soro, in Santu Idu Marcu Antoni Siddi, in Sardara Jori Zucca, in Sant’Andria Frius Simoni Melis, in Seligas Alessiu Piras, in Serramanna Grabieli Littera, in Setzu Sandru Palla, in Solèminis Fideli La Delfa, in Turri Martinu Picchedda, in Bidda de Cidru Fideli Sollai, in Mara Arbarei Giuanni Luca Atzeni, in Biddanoa de Tulu Albertu Loddo, in Forru Mauritziu Onnis, in Sa Baronia Marcellinu Piras, in Biddesatu Lionardu Usai.

In sa citadi metropolitana de Casteddu s’est votau in Su Masu aunia at bintu Maria Laura Orrù, in Sarrocu Angilu Dessì est su sindigu nou e in Cabuterra s’at a decidiri tra duas cidas: in cursa funt abarraus Beniaminu Piga e Beniaminu Garau.

 

 

 

Màuru Mura

 

 

 

“Attività realizzata col contributo della Regione Sardegna – IMPRENTAS 2020-2021 LR 22/2018, art. 22”.

 

 

 

Foto: https://www.palermotoday.it/politica/elezioni/comunali-provincia-2021-amministrative-come-dove-si-vota.html