Eriseru a pusti prangiu si funt atobiaus, in video-cunferentzia, su ministru de is Esteri Luisu Di Maio, cussu de su Turismu Massimu Garavaglia, de su Sviluppo economico Giuanni Carrulu Giorgetti, de sa Saludi Robertu Speranza e is rapresentantis de s’Aefi, su sotziu de is fieristas italianus. Ant chistionau de torrai a oberri is fieras internatzionalis e, de cantu s’est scipiu, ce dda iant podiri fairi a intru de su mesi de triulas.
Atru atobiu de importantzia manna est cussu de cras tra su ministru de sa Saludi e is presidentis de is regionis. S’at a chistionai de fairi oberri in ristorantis, in zona groga, finas a merì, massimamenti po chini tenit logu in foras. Atra chistioni de importu est cussa de is vacinus, chi medas presidentis iant a bolli comenti mesura po is regulas de su Dpcm.
Su ministru non narat ca nou e su pensamentu ddi pragit: “S’idea de torrai a partiri cun is atividadis chi tenint logu in foras mi cunvincit meda”, fait sciri, torrendusì a cussu chi at nau Roberto Burioni s’atra dì. “Donaus atentzioni a non fairi passus tropu longus, a dogna manera”, avertit narendu ca nou a is discotecas.
Est cuasi seguru ca s’emergentzia at essi allonghiada finas a su 31 de triulas, ma de su mesi ch’intrat si narat ca s’at a podiri torrai a viagiai de una regioni a un’atra. Ancora non si scit candu si torrat a oberri, si fueddat de su 26 de arbili o de su 3 de maiu, ma una cosa est segura: maiu est unu mesi chi nos at a nai cosas meda. Ddu at nau finas Draghi candu at chistionau cun is gioranlistas. S’at a torrai a oberri a bellu-a bellu, castiendu sempiri is numurus de sa pesta.
Is cosas prus de importu funt sa scola, is ristorantis, is bar, is atividadis de cultura e is palestras, chi de un’annu a imoi funt sunfrendu prus de totus. Is acordius po is ristoranti ant essi cussu de sempiri: prenotatzioni, distantzia de unu metru po is mesas, e a tenni sa mascherina dogna borta chi unu si ndi pesat. Is bar chi tenint sa possibilidadi de ponni mesigeddas in foras, est probabili, chi bengiant fatus oberri.
Màuru Mura
“Attività realizzata col contributo della Regione Sardegna – IMPRENTAS 2020-2021 LR 22/2018, art. 22
Foto: https://www.sportlegnano.it/2020/11/dal-4-dicembre-bar-e-ristoranti-aperti/273753/
