Sa dì chi totu aspetaiant est erribada: a pustis set’annus su ponti de Oloé, in sa strada chi andat de Dorgali a Oliena, est un’atra borta obertu. Fut su mesi de Sant’Andria de su 2013 candu su cicloni Cleopatra nd’at sciusciau totu bocendu puru su politziotu Luca Tanzi chi fut passendu in pissu de sa machina sua.
Imoi sa prima machina est passada eriseru biora de is duas e de imoi totu, si podit nai, torrat comenti a prima. Funt medas is problemas chi at tentu sa genti chi bivit innoi in custus set’annus e difatis s’aministradori de sa provincia de Nugoro, Costantinu Tidu, at nau: “Oi non si depit festai nudda, poita is diritus de sa genti no andant festaus. Imoi Dorgali, Oliena e totu is sardus podint torrai a biviri cun normalidadi. Eus trabagliau meda po erribai a-i custu”. Tidu at aprontau un’atobiu cun is giorronalistas in Nugoro aunia fut presenti finas s’assessori a is Lavori Pubblici Orrobertu Frongia e is sindigus de is biddas interessadas.
