Bonas novas po Rolando Maran. Su giuigi sportivu nd’at tirau una partida de scualifica a Artur Ionita e duncas cras in Genova a is ses de merì su giogadori moldavu podit giogai contras de is piciocus de Prandelli. Su centrucampista de Maran nce dd’iant bogau in sa partida cun su Napoli candu iat morrungiau cun s’arbitru po su rigore chi iat donau a sa’acabu de sa partida poita Caciatore iat tocau sa bocia cun su brassu. Maran, duncas, ddu podit fairi giogai in custa partida chi serbit a su Casteddu po si pigai unu puntu poa barrai in Serie A ocannu chi benit puru.
In sa partida de s’andada is sardus iant bintu po 1-0 cun d’unu gol de Farias chi imoi giogat cun s’Empoli fendu cosas bonas po sa scuadra toscana.
Cras su centrucampu iat depiri girai in pissu de Cigarini, Ionita e Barella. Cun probabilidadis meda Deiola torrat a si setziri in panchina prontu a donai una manu.
Maran tenit fians unu giogadori in prus de podiri umperai, Lucas Castro chi est torrau a giogai sabudu passau cun sa Latzio a pustis de airi sartau prus de metadi campionau.
Foto: cagliarinews24.com/
