Tres mesis a pusti de is partidas chi funt baglias unu scudetu in su basket, custa borta est Tatari a erriri contras de is campionis de s’Italia de Venetzia. 83-82 a s’acabu de unu tempu in prus ca funt in paridadi e in Bari est sa Dinamo a ndi artziai a su celu sa Supercoppa. Pozzecco de candu est allenadori est sa segunda bia chi bincit, sa prima in Italia a pusti sa bella copa pesada in Europa. Medas is tifosus sardus chi funt andaus a biri sa partida e funt cuntentus de prus puru. Is baresus puru ant fatu tifu po is sassaresus. Sa partida, si podit nai, dda podeus dividiri in duas o in tres puru: Sassari fut a innanti de binti puntus, a pusti Venetzia est torrada beni in partida e a sa fini is piciocus de Pozzecco ce dd’ant fata a dda binciri! S’allenadori sardu a s’incumentzu de sa partida a postu in campu Spissu, Vitali, Evans, Pierre e Bilan. In su tempus in prus chi s’est giogau Pierre e Mclean, a pusti duas “bombas” de Vitali ant fatu is puntus de sa vitoria. Est sa fini e sa cuntentesa est aici meda chi Pozzecco si ndi tirat sa camisa e da scudit a is tifosus e intregat custa coppa a totu is sardus.
Foto: https://sport.sky.it/basket/2019/09/22/basket-supercoppa-sassari-venezia-risultato.html
