De su 4 de custu mesi ddu est finas Sadili, sa bidda de sa Barbagia de Seulu, in sa lista de is dugentuotantanoi biddas prus bellus de totu s’Italia et est diventau “Borghi d’Italia”. A pustis de dus annus de controllus is sadilesus podint essiri cuntentus meda. Funt una setantina is esamis chi Sadili at depiu superai: s’andat de su paesagiu a sa calidadi culturali passendu po sa belle sa de is domus.

Sadili, chi tenit comenti de sindigu, de unus cantus annus, sa deputada de su partidu democratidu Romina Mura, at incumentzau custu viagiu dus annus a imoi. Sa sindaga de Sadili at arregodau ca “est unu trabagliu chi eus fatu cun dinari pubricu ma finas gratzias a su trabagliu de is privaus, massimamenti in sa parti prus becia de sa bidda eus spendiu prus dinari de totu s’orrestu de sa bidda”. Augurius mannus a totu sa comunidadi de Sadili chi at fatu cumprendiri ca candu totus viagiant in d’una diretzioni si podi bisai in mannu.