In sa dì chi ant giurau is sutasegretarius de su guvernu nou, Mateu Renzi lassat su Partidu Democratigu. A dogna modu at fatu sciri, lamendu su presidenti Conte, de andai a innanti e de sighiri a abarrai in sa scuadra.

“Nosi dispragit, est un’isbagliu – at scritu in twitter Nigola Zingaretti -, ma imoi sigheus a pensai a su benidori de s’italia: trabagliu, ambienti, impresas, scola e dinari de fairi curriri”.

Calencunu de is suus e totu, comenti su sindigu de Firenze Dariu Nardella, at provau a ddi fairi cambiai bidea ma non ce dd’at fata.

Dariu Franceschini, ministru de sa cultura, invecias at nau: “In su 1921-22 su fascismu cresciat sempiri de prus umperendu ‘arrennegu e sa timoria de sa genti. Popolaris, socialistas e liberalis teniant sa magiorantzia intru de su parlamentu e nd’ant pesau is guvernus Bonomi e Facta. Ma is certidus e is divisionis aintru de is partidus funt medas e po cussu, in su mesi de Santu Aine de su 1922, Mussolini at bintu is eletzionis. Sa storia nosi depit imparai a non fairi sempiri su matessi isbagliu”.

 

 

 

 

Foto: https://www.huffingtonpost.it/entry/lascio-il-pd-matteo-renzi-su-repubblica-mi-fa-impazzire-quando-mi-danno-per-morto_it_5d806dabe4b03b5fc888b42d