Su premiu Nobel po sa Pagi po s’annu 2019 ddu ant donau a su Primu Ministru de s’Etiopia Abiy Ahmed Ali. Poita propriu a-i cust’omini? Po mori ca ata fatu de totu po cicai sa pagi cun s’Eritrea.

“Su premiu – narant in Oslo – bolit arreconnosciri a calechisiat parti totu cussu chi s’est fatu po fairi biviri in pagi is citadinus de s’Etiopia e de s’Africa orientali e de su nord-est”. “Candu Abiy Ahmed est diventau Primu Ministru in su mesi de arbili de ocannu passau – aciungit sempiri su Comitau po su Nobel – at acrariu inderetura ca disigliaiat torrai a chistionai de pagi cun s’Eritrea. Agiudendusì cun su presidenti de s’Eritrea, Isaias Afwerki, ce dd’at fata a aprontai unu acordiu de pagi e dd’ant acabada de certai”.

“Nisciuna pagi, nisciuna guerra” intre is dus stadus, custu est su slogan de is dus ominis africanus chi ant firmau s’acordiu in su mesi de triulas e de cabidanni in Asmara e in Jedda.

 

 

 

 

Foto: https://www.google.com/search?q=abiy+ahmed&rlz=1C5CHFA_enIT844IT844&source=lnms&tbm=isch&sa=X&ved=0ahUKEwjXhvugmZTlAhVI2KQKHZmBD7UQ_AUIFCgD&biw=1920&bih=952#imgrc=R-NN1Jkd6fZ73M: =1001#imgrc=JzHIVG-qhRUE2M: