Studentis in is orrugas e in is prassas in totu Italia po si fairi intendiri de is potentis po su contu de su clima e sa Sardigna non abarrat a castiai. “Bosi carragiaus a innanti de su mari. Boleus giustitzia cliamtica sociali”, cun custa scrita in pissu de unu lenzoru est incumentzada sa manifesta da in Casteddu chi at bidu sa partecipatzioni de cincumila studentis. De is pipius de is scolas elementaris finas a-i cussus de is scolas mannas si funt atobiaus in Prassa Antoni Gramsci e funt andaus a si fairi intendiri a suta de is palatzus chi contant, Cumunu e Regioni, po pediri a is politicus de imbrassai custu contu. A ndi scidai unu pagu is piciocus de totu su mundu c’at pensau sa piciochedda svedesa Greta Thunberg chi de prus de un’annu a-i custa parti est morrungendu po s’incuinamentu e po s’umperu tropu mannu de sa prastica. Is studentis sardus non ant manifestau feti in Casteddu ma finas in Tatari, Nugoro, Aristanis Terranoa e Igresias.

 

 

 

 

Foto: https://www.tempi.it/prime-tirate-dorecchie-per-greta-che-attacca-tutti-tranne-la-cina/