Non funt steddas ma sissigorrus is premius chi Slow food, su sotziu internatzionali in pissu de sa cosa de papai naturali, donat ocannu puru, comenti de sempiri. Sa classifica po su 2020 de is osterias est giai aprontada e dd’at fata connosciri su giorronali Repubblica in s’insertu Repubblica sapori chi benit intregau a su papai. Sa Sardigna puru tenit noi osterias chi ant pigau premius: Su Carduleu in Abbasanta, La Locanda dei Buoni e Cattivi in Casteddu, Su Tzilleri e su Doge sempiri in Casteddu; Santa Rughe in Gavoi; Su Recreu in Ittiri; Il Portico in Nugoro; Il Rifugio sempiri in sa citadi de Gratzia Deledda, Letizia in Nuxis; Antica dimora del Gruccione in Santulussurgiu. Candu si trabagliat cun sa calidadi, e umperendu cosas naturalis, e tenendu s’arrespetu massimu po sa natura e totu, a sa fini erribant premius chi faint prageri.
Foto: https://www.foodandsoon.com/trentanni-non-sentirli-buon-compleanno-slow-food/
