Est mortu eriseru a mericeddu Giorgio Squinzi, su presidenti de Confindustria de su 2012 a su 2016. Fut su meri de sa scuadra de fubal de su Sassuolo e aministradori de Mapei, s’azienda fata nasciri e pesai de su babu Rodolfo in su 1937. De sempiri ddi pragiat meda su ciclismu e po prus de degi annus sa Mapei poniat dinari po sa scuadra Mapei-Quick Step.

Squinzi fut nasciu in Cisano Bergamasco, chi s’agatat in sa provincia de Bergamo, in su 1943 e fut malaidu de bonu tempus. Inderetura funt erribaus fueddus de totu sa genti chi contat e finas su sindigu de Milano, Pepi Sala s’est fatu intendiri in Twitter e at scritu: “Cun sa morti de Squinzi Milanu e s’Italia totu perdint unu riferimentu importanti. Soi acanta a sa familia de custu omini capassu e coragiosu. In su tiatru de Sa Scala eus intendiri ca non c’est prus”.

 

 

 

Foto: https://www.itasportpress.it/serie-a/sassuolo-morto-il-patron-giorgio-squinzi/