Dominigu su Casteddu andat a Torinu po si giogai, e cicai de binciri, sa partida cun is piciocus de Mazzarri. Su Casteddu erribat a custa partida in saludi manna ca est de ses partidas chi non perdit e foras de Casteddu po imoi at fatu grandu e bella figura. Arregodaus, po custu, is tres puntus pigau in Napoli e in Parma e su paregiu de Roma contras de is grogus orrubius de Fonseca. Su Torinu invecias est andenduru mali meda e Mazzarri si giogat meda in is prossimas partidas cun su Casteddu, sa Lazio e in su derby. Nudda de nai, imoi, chi is piciocus de Maran ndi torrint in Sardigna cun is tres puntus poita s’entusiasmu e sa cuntentesa de giogai podint fairi diferentzia manna. Iat a tocai a segnai inderetura po ponni pressi a su Torinu e ca sa scuadra piemontesa non est meda capassa a fairi giogu. Unu gol iat a boli nai de si giogai sa partida, in segus, aspetenduru sa scuadra de su presidenti Cairo e torrenduru a partiri coidendu po cicai de fairi su segundu gol. Gana e barra a is orrubius asulus non mancat e seus segurus ca de Torinu nd’ant a torrai cun tres puntus.
Foto: https://www.cagliarinews24.com/torino-cagliari-diretta-tv-streaming-19-20/
