Aici est acabada sa partida de Vaduz de sa natzionali de Mancini chi cun custa vitoria at aguagliau su record de Pozzo de noi partidas bintas una in fatu de s’atra. Dus gol de s’atacanti de su Torinu Andria Belotti, e unu a cadunu de El Shaarawy, Romagnoli e Bernardeschi, ma paradas medas de su portieri sardu Sarbadori Sirigu. Is ominis calaus in campu funt un’atra cosa de sa partida giogada in Roma sabudu passau cun sa Grecia ma non po custu s’Italia si ddat giogada cun gana de binciri.

Mancini a s’acabu de sa partida s’est frimau a chistionai cun is giorronalistas e at nau: “Non eus agatau inderetura su segundu gol ma est una cosa normali candu si cambiant giogadoris medas comenti eus fatu nosu. Is arrespustas chi m’ant donau is giogadoris funt bonas medas, atras cosas si podint fairi meglius”. Candu calencunu ddi at pregontau de is noi partidas bintas una in fatu de s’atra, s’allenadori at nau ca no nde frigat meda ca a-i cussu pragit a binciri sempiri e ca imoi bolit binciri s’Europeu de lampadas.

 

 

 

Foto: https://www.calcioblog.it/post/775953/euro2020-liechtenstein-italia-0-5-mancini-eguaglia-il-record-di-pozzo