“Seus prontus a liberai is italianus de su Partidu democratigu e de is Steddaus”. Cun custus fueddus est acabau s’atobiu de s’atra dì in Milanu cun Salvini, Berlusconi e Meloni. Is tres capus de Lega, Fortza Italia e Fradis de Italia ant a pusti scritu ca su centru-dresta italianu si torrat a ponni a curriri totu paris po is atobius politicus chi ant a benni in su benidori e ant aciuntu: “Est craru a totus ca su guvernu groguorrubiu non at a durai po meda, nosutorraus a incumentzai a fairi politiga ponendusì contras a is arretzetas de Conte, Renzi e Zingaretti”. “Nosu seus cunvintus ca su progetu politicu nostu – ant sighiu a scriri – est cussu aunia totu is italianus s’arreconnoscint, seus giai trabagliendu po binciri e po torrai a guvernai beni comenti giai seus fendu in medissimas regionis italianas e in totu is citadis e is biddas aunia nos ant donau fiducia”.

 

 

Foto: https://www.repubblica.it/politica/2019/10/06/news/centrodestra_meloni_berlusconi_salvini_vertice-237852582/